Alerta, paxaro!

Parece mentira a cantidade de aves diferentes que se poden ver cun simple paseo pola costa... E nós pensando que case todo eran gaivotas patiamarelas!

Comezamos a actividade cunha pequena excursión co obxectivo de avistar as diferentes aves que podemos encontrar nesta época do ano na zona do campamento. Deste modo, nos puxemos en marcha e con axuda duns primáticos e moita agudeza visual nos dispuxemos a identificar especies. Vaia reto!

Como é natural, abundaban as aves mariñas como os corvo mariños ou as gaivotas patiamarelas aínda que tamén divisamos algún que outro lagarteiro planeando no ceo en busca da súa presa.

Durante a actividade, os nosos monitores explicáronnos curiosidades sobre as diferentes especies típicas da zona e, posteriormente, elaboramos unha guía didáctica co fin de coñecer a fondo as súas diferentes características e aprender cales son as partes fundamentais para levala a cabo.

En pequenos grupos, investigamos sobre as que máis nos chamaron a atención:

Por último, para que non se nos esquecesen os nomes das especies, realizamos varias dinámicas moi divertidas!

Agora, cando vexamos unha Lavandeira branca, xa saberemos identificala!